រឿងភូមិតិរច្ឆាន
- ប្រភព៖
អ្នកនិពន្ធបានប្រមូលឯកសារមកចង់ក្រងសរសេរនៅឆ្នាំ ១៩៦៤, ៦៥
តែកាលៈទេសៈ
ពេលនោះពុំទាន់អំណោយផលអាចបោះពុម្ភបាន។
អ្នកនិពន្ធរងចាំដល់ឆ្នាំ១៩៧១ទើបបោះពុម្ភ
ផ្សាយ។
ក្នុងការសរសេរតាក់តែងរឿងនេះឡើង អ្នកនិពន្ធ
បានដើរប្រមូលពត័មានពីប្រជារាស្រ្តមានវ័យ
ចាស់ដែលធ្លាប់ដឹងរឿងរ៉ាវនៅភូមិក្រាំងលាវ
ហើយអ្នកនិពន្ធបានខំស្រាវជ្រាវរកលិខិត
និងសេចក្តី
សំរេចផ្សេងៗពេលនោះមកធ្វើជាឯកសារសម្រាប់សរសេរ។
- អ្នកនិពន្ធ ៖ លោក ឌឹក គាម និងលោក ឌឿក អំ
- ប្រភេទ ៖ ជារឿងប្រលោមលោកបែបប្រវត្តិសាស្រ្ត
- ចលនា ៖ ជាអក្សរសិល្ប៍ខេមរនិយម
- ឥទ្ធិពល ៖ មានឥទ្ធិពលមនោគមវិជ្ជាជឿនលឿនក្នុងសម័យ
សង្គមរាស្រ្តនិយម ព្រោះដំណើររឿង
បំផុសពីចលនាតស៊ូប្រឆាំងបរទេស
ដើម្បីបូរណភាពទឹកដីរបស់ខ្លួន
- សង្គមបរិយាកាស៖ កាសសម័យនៃរឿងនេះកើតឡើងនៅឆ្នាំ
១៩២៥ ក្រោយពីការច្រូតកាត់ និង
ប្រទេសជាតិស្ថិតនៅក្រោមអណានិគមបារាំងដែលប្រើអំណាចត្រួតត្រាមកលើប្រជាជនខ្មែរ។
ទង្វើ
នេះបានធ្វើឲ្យមានចលនាប្រជាជនក្រោកឡើងប្រឆាំងនឹងពួកបារាំងគ្រប់ទីកន្លែង
ជាពិសេសព្រឹត្តិការណ៍ ១៨ មេសា ឆ្នាំ ១៩២៥។
- សង្ខេបរឿង ៖
សង្គ្រាមលោកលើកទី១ បានផ្ទុះឡើងក្នុងឆ្នាំ ១៩១៤ ដល់ ១៩១៩
ដែលប្រទេសកម្ពុជាស្ថិតនៅ
ក្រោមនឹមអាណានិគមបារាំង
ប្រជារាស្រ្តខ្មែររងទុក្ខវេទនាត្រូវពួកអាណានិគមកេណ្ឌឲ្យទៅច្បាំង
ប្រឆាំងនិងពួកផាស៊ីសអាឡឺម៉ង់។
ទន្ទឹមនិងនោះការឡើងថ្លៃពន្ធដារក៏កាន់តែកើនឡើងជារៀង
រាល់ខែ
ធ្វើឲ្យប្រជារាស្រ្តមានការក្តៅក្រហាយយ៉ាងខ្លាំង។ ប្រជារាស្រ្តនៅស្រុកមុខកំពូលចំនួន
៣០០០នាក់បានធ្វើបាតុកម្ម
ធ្វើញត្តិសុំឲ្យស្តេចស៊ីសុវត្តិជួយបន្ធូរបន្ថយអំពីបញ្ហាពន្ធដារនេះ។
សូម្បីតែធម្មជាតិក៏មានការក្តៅក្រហាយពុះកញ្ជ្រោលខ្លាំងដែរ
ដូចជាមានរន្ទះបាញ់ចេតិយព្រះកែវ
មរតក និងផ្កាយដុះកន្ទុយជាដើម។
នៅខេត្តកំពង់ឆ្នាំងក៏ដូចជាខេត្តដទៃៗទៀតដែរ
ប្រជារាស្រ្តមានជីវភាពលំបាកលំបិនធ្វើឲ្យគ្រួសារ
មួយត្រូវព្រាត់ប្រាស់ប្រពន្ធកូន។
នាងតុំដែលជាប្រពន្ធសុវណ្ណត្រូវស្លាប់ដោយសារខ្វះថវិកា
ព្យាបាលជំងឺ។
ចំនែកសុវណ្ណត្រូវលំបាកក្នុងការថែទាំកូនតូចផងក៏ទទួលនាងតន់ធ្វើជាភរិយាដោយ
មិនបានរៀបការតាមប្រពៃណីជាតិរបស់ខ្លួន។
ប្រជាជននៅភូមិក្រាំងលាវមានសំលាញ់ពីរនាក់ឈ្មោះ ជួន និង នៅ
បានរៀបចំគម្រោងការ
សម្លាប់រេស៊ីដង់បាដេសដែលអនុវត្តអំពើព្រៃផ្សៃយ៉ង់ឃ្នង
នៅពេលដែលពួកវាចុះទារពន្ធដារ។
ចលនារបស់ជូន និង
នៅក៏មានការចូលរួមពីក្រុមអ្នកក្លាហានចំនួន ២០ នាក់ទៀត។
នៅភូមិដើមអំពិល
មេឃុំប៉ាល់បានក្តាប់ពីរបាយការណ៍ជីវភាពរស់នៅរបស់ប្រជារាស្រ្តក្នុងភូមិ
គួប
ផ្សំនិងការលំបាកក្នុងការទារពន្ធដារក៏សុំថ្នាក់លើលាលែងដើម្បីយករួចខ្លួន។
រ៉េស៊ីដង់បាដេសបាន
ចេញទារពន្ធដារដោយខ្លួនឯង។ លុះដល់ថ្ងៃទី ១៨ មេសា ១៩២៥
ការទារពន្ធដារមកដល់ភូមិ
ក្រាំងលាវដែលដឹកនាំដោយរ៉េស៊ីដង់បាដេស
កងរក្សាសន្តិសុខឈ្មោះឡាច និងអ្នកដាំស្លឈ្មោះ
បោយ ពេលនោះបាដេសមានទំនាស់ជាមួយនាងនី
នាងប៊ី។
ក្នុងសភាពការណ៍នេះជាឪកាសមួយ
ដែលធ្វើអោយអ្នកក្លាហានហ៊ានចេញប្រយុទ្ធសម្លាប់រ៉េស៊ីដង់បាដេស
ដោយឥតញញើតដៃ។ ក្នុង
នោះនៅសល់តែអ្នកដាំស្លម្នាក់ដែលរត់គេចខ្លួនហើយនាំដំណឹងនោះទៅរាយការណ៍នៅក្រុងកំពង់
ឆ្នាំង។
ក្រោយពីសម្លាប់បាដេស
និងសហការីរួចមកក្រុមអ្នកក្លាហានមានបំណងចេញទៅក្រុងកំពង់ឆ្នាំង
ទៀត
ប៉ុន្តែត្រូវកងទ័ពបារាំងពួនបាញ់ស្ទាក់ បានស្លាប់ខ្លះ
រត់ចូលព្រៃនៅក្នុងភូមិត្រពាំងស្រែ។ អ្នក
ក្លាហានត្រូវបានគេបាញ់ស្លាប់ក្នុងនោះមាន នៅ
រីឯជួនត្រូវគេចាប់ខ្លួនដាក់គុកនៅកោះត្រឡាច
ចំណែកឯប្រជាជនត្រូវរត់ចោលភូមិឋានទៅរស់នៅក្នុងព្រៃ។ រឿងសម្លាប់បាដេសធ្វើឲ្យមាន
ប្រតិកម្ម
យ៉ាងខ្លាំងពីសំណាក់កុង្សី សេនាបតីអាណានិគមបារាំង។
ព្រះបាទស៊ីសុវត្តិបានចេញសេចក្តី
ប្រកាសមួយឲ្យប្ដូរឈ្មោះពីភូមិក្រាំងលាវទៅជាភូមិតិរច្ឆានវិញអស់រយៈពេលយ៉ាងតិច១០
ឆ្នាំ
ព្រមជទាំងឲ្យសាងសងចេតិយព្រះកែវមរកត និងធ្វើបុណ្យនៅថ្ងៃទី១៨ មេសា
ជារៀងរាល់ឆ្នាំ។
ជាទីបញ្ចប់
ទាហានបានកៀរអ្នកស្រុកឲ្យមករស់នៅក្នុងភូមិរបស់ខ្លួនវិញ។ ចំណែកសុវណ្ណ
និង
នាងតន់ក៏បានមករួមរស់រួមសុខជាមួយគ្នារៀងមក ហើយអ្នកខ្លះទៀតក៏បានវិលមកជួបជុំប្រពន្ធ
កូនវិញដែរ។
- ប្រធានរឿង៖ រឿងនេះនិយាយពីទុក្ខវេទនារបស់ប្រជាជនខ្មែរសម័យអាណានិគមនិយមបារាំង។
- មូលបញ្ហា៖ បញ្ហាសំខាន់ៗក្នុងរឿងគឺ
បារាំងដំឡើងពន្ធដារកាន់តែខ្ពស់ និងចាប់ប្រជាជនដាក់
ខ្នោះឃ្នាង គ្រោះរាំងស្ងួត
រាស្រ្តធ្វើស្រែមិនបាន ការងើបបះបោរប្រឆាំងនឹងបារាំងពីក្រុមអ្នកតស៊ូ
ខ្មែរ ដែលមានជួន
និង នៅ ជាមេដឹកនាំដើម្បីទាមទារសិទ្ធសេរីភាព
ការប្តូរឈ្មោះពីភូមិក្រាំងលាវ
ទៅជាភូមិតិរច្ឆាន។
តើកាលបរិច្ឆេទ របស់នេះយើងយកត្រឹមឆ្នាំណាដែរ ? សូមអធ្យាស្រ័យ!
ReplyDeleteហុហហហហហហហហហហ
ReplyDelete